الرجولة مش إلبسي طويل ومتحطيش ميك آب...الرجولة مش متكلميش ولاد...الرجولة مش سيبي الشغل...الرجولة مش إنك تمشي كلمتك في كل اللي ميخصكش...الرجولة مش إنك تلغي شخصية البنت اللي معاك...الرجولة مش إنك تفضل تستظرف علي خطيبتك ولا مراتك قدام الناس....الرجولة مش إنك تزعق و تعلي صوتك علي خطيبتك ولا مراتك بسبب أو بدون...الرجولة مش إنك تخلف وعدك...كلمة بَحبِك وعد...كلمة هتجوزك وعد...كلمة هحافظ عليكي وعد...كلمة هشيلك فوق دماغي اللي قلتها لأبوها وعد..مَسكِت إيدك لإيدها وعد...بصت عينيك لعينها وعد...إنك خليتها أصلاً تحبك...وعد
يا سيد الرجال...يا بطل يا وحش أول حاجة في الرجولة إنك تعرف تحافظ علي كلمتك..و لو يا سيدي حظك خانك و الدنيا كلها وقفت قصادك و معرفتش تحافظ علي كلمتك...علي الأقل واجة...واجة يا سيدي
هعذرك في إنك خلفت وعدك و هاقول يمكن مقدرتش تنفذ
لكن
في إنك هربت من قصادي و موجهتنيش...ملهاش معني غير إنك ضعيف..مع الإعتذار ل كلمة ضعيف
سيداتي...آنساتي...ساداتي
أقدم لكم رجل الموسم الذي يوعد و يخلف و يهرب و يخلع و يبرر لنفسة بشوية هرتلة و بيقنع نفسة بإنة ضحية
أقدم لكم النجم النوننا
أقدم لكم
إنت
كل واحد وعد واحدة و خلف و هرب و خاف حتي يواجة..إنت حقير..و لو غالطت نفسك و حاولت تقنع نفسك بإنك راجل تمام..فأنا أهو بقولك إنك حقير..عيل رخيص
