أنا ڤودافون

عن أزبل أنواع البشر أتحدث....هما الفئة اللي بيفرق معاها أوي منظرها يبان نضيف أوي و كلاسي قدام الناس الغريبة فقط...و مع حبيبها ولا حبيبتة بينسو النضافة تماماً و مبيهمهمش منظرهم خالص.....لدرجة إن الواحد عايز يقول لكل حد قريب منو "ونبي عاملني زي ما بتعامل عمو بتاع الصيدلية ولا طنط بتاعة ڤودافون"....و اتمني من كل قلبي إن كل حد قريب مني و شايف نفسو قريب أوي مني إنو يلغي العشم...أيوا يلغية...و ياريت تعاملوني كأني غريبة و أدخل تحت بند الناس اللي بتحبو تبينلهم الحتة الشياكة اللي بتتدعوا إنها جواكوا

رسالة لبنتي

في أول يوم ليكي يا بنتي في بيت أبويا و أمي بعد ما تم عمرك يومين واحنا نازلين من المستشفي أنا فاكرة كويس إنك كنتي لابسة سلوبيت لونو پينك فاتح  مرسوم علية أرنب صغير و كنتي نايمة من ساعة ما نزلنا من هناك كانت وقتها الساعة ١ الضهر وصلنا البيت الساعة ١ و نص وبردو فضلتي نايمة....كان إحساس غريب أوي بالنسبة ليا....اللي هو أوضتي وانا صغيرة و سريري و لعبي و أمي و أبويا بجد كنت مستغرباكي أوي....انتي مين يا نونة؟؟بنت مين البيبي اللي نايم؟كنت بحبك طبعاً بس كنت خايفة عليكي مني إكمني كنت مدلعة فخفت مكونش أم كويسة معاكي....إستغربت دولابي اللي بقا مليان سلوبيتات و مشمع و إستغربت الكومودينو اللي كان علية زمان موبيلي و كيس في شوكلاتات إتحول فجأة لصيدلية عليها جميع أنواع الأدوية اللي تخصك ولا بقا مكتبي مقولكيش علية آخر ملامح لمكتبي كان علية ألوان و ورق و بالتات دولقتي الله بقي مدهش مليان ويبس و مناديل و بامبرز و قطن كمان و فوط و هكذا.....أما بقا تسريحتي الجميلة فأيام ما كانت تخصني كان عليها كريمات ڤيكتوريا سيكريت علي كام إزازة برفان فخيمة بس طبعاً إتحولت و إتبدل حالها بقي عليها كريمات بردو بس سودو كريم و بنثينول ..... ولا بقا مقولكيش كنت زمان أحب وانا سهرانة أشرب قهوة مثلاً كاكاو لكن بقا بعد الخلفة إرزع كراوية أو حلبة سخنة يا سلام حتي مزاجي في المشروبات إتنسف ما المدام بترضع بقا....فقهوة إية و زفت إية إديها حلبة.....وبخ أنا و حاجتي خلاص إتبخرت.....مش هكدب عليكي أنا أتضايقت.....وبعد ٤ ساعات من نومك صحيتي يا بنتي....كنت ساعتها مرهقة و عايزة أريح بس واحدة مخلفة بينفع تريح؟ منمنتش و إبتدي وياكي الكفاح....الليل جية و طبيعي جداً إننا ننام.....أمي قالت هاهاهاها طبعاً ضحك السنين دة كان زمان النوم خلص....حقيقي إتخنقت أوي لإن من جوايا أنا عارفا إن متطلبات الخلفة مبتخلصش.....يعني هي مش مجرد إني مش هنام ليلة وخلاص كدا لأ دا أنا لسة بكرا و بعدو و بعدو إلي مالا نهاية.....بردو مش هضحك عليكي إكتئبت....حقيقي مسؤليات كتير و شغل و سحل كتير....حقيقي نسيت نفسي من كتر مانا مشغولة بيكي.....كنت أشوف الناس اللي مش مخلفة أحقدعليهم و أقول لنفسي يا بختهم.....وانتي تنامي و تصحي و تنامي و فضلت الأشغال الشاقة مستمرة.....مش عاوزاكي يا بنتي تفهمي من كلامي إني مكنتش حباكي لا والله أنا بعشقك بس في وقتها كنت بنت مرفهه متدلعة فكان صعب عليا أشيل مسؤلية تهد الجبال و أفضل سعيدة.....و أعتقد دا حال معظم الأمهات بعد أول خلفة ليهم.....آه طبعاً كنت بحبك بس و كنتي قلبي بس مكنتش مستمتعة وانا بعملك إحتياجاتك معرفش لية....بس الأكيد إني دلوقتي بعد ما سمعتك وانتي بتقوليلي بسمة أنا بحبك أد السمااااااا و بعد ما شفت حنيتك عليا و خوفك عليا لما بقول آه و حضنك ليا وانا ببكي حسيت إنك والله أمي مش بس بنتي .......أنا عايزة أقولك إن والله والله لو طلبتي مني عينيا ولا قلبي لأدهملك والله حقيقة يا بنت الذينا ملكتيني بطريقة مش طبيعية....حاسة إني مسحورة بيكي....بقيت الصبح مقضياة وياكي طبعاً و لما تنامي بتعدي ساعات والله وانا قعدة ماسكة في إيديكي و ببصلك.....حقيقي أنتي مالكة قلبي....بحبك أوي 

٥٦ شهر

أنا بكامل قوتي أحب أعترف إني كنت مخطأة في فترة كبيرة أوي من حياتي...أيوة كنت غلطانة....أنا ضيعت وقت كتير أوي في الزعل و الكآبة مختش بالي من إن اليوم اللي بيروح مبيجيش تاني مختش بالي إن الوقت اللي بيروح وانا كنت زعلانة فية بفضل طول الوقت اللي جاي أقول يا خسارة مكنتش مبسوطة في كذا و كذا علي سبيل المثال أنا كان عندي مشاكل كتير أوي في أول حياتي الزوجية المشاكل دية كان عمرها ٨ شهور فضلت بعدها ٤ سنين زعلانة أوي علي ال ٨ شهور دول أوي و متأثرة إني يا عيني متبسطش في أول جوازي...بس فجأة كدة بصيت في صوري لقيت شكلي كبر يجي ميت سنة حواجبي علي طول ضماهم إبتدت التكشيرة تقبي وشم علي وشي مبقتش أعرف أهرج ولا حتي أضحك و لما كنت بقابل صحاب عمري في خروجة مكانوش والله بيعرفوني لا شكلاً أنا ولا مضموناً.....دا بالنسبة لشكلي أما بقي بالنسبة لصحتي فبقت هباب أوي مبقتش أقدر أقف ولا حتي أتحرك زي البنات اللي في عمري.....مسكت ورقة و قلم و قررت إني أتغابي علي نفسي إبتديت أكتب لنفسي هو في إية يابنتي ما تفوقي بقي من أم الهبل دا و حسبتها لقيت إن فعلياً في ٨ شهور كنت حزينة فيهم و مش بأختياري  و لقيت بردو إن فية ٤ سنين فيهم  ٤٨ شهر كنت حزينة فيهم و بمزاجي و بإختياري و بكامل إرادتي آه والله بكامل إرادتي....عرفت ساعتها أنا أدإية إنسانة فاشلة في كل حاجة بقي معقول أضيع ٤٨ شهر عشان ٨ شهور!! غبية أنا أوي صح؟ بس والله مكنتش أقصد كنت وقتها قافلة عيني و مش عايزة أشوف الواقع مش عايز أشوف إن خلاص ال ٨ شهور خلصوا مكنتش عارفة أطلع من قوقعة ال ٨ شهور....حسبتها آه والله حسبتها  جمعت ال ٨ شهور علي ال ٤٨ شهر لقيتها طلعت رقم منيل ٥٦ شهر راحوا في الهبل....وقتها نشفت علي نفسي و قررت إني والله والله والله لهتبسط و عينيا دية إن جية فيها دموع فهتقبي دموع من كتر الضحك أيوا اللي هوا هعيط من كتر الضحك....و آخري معرفتي بالزعل هتكون ال ٣ حروف ز ع ل و بس عارفا حروفها بس معناها نسيتو....بعد قراري شطبت كل حاجة متعلقة بال ٥٦ شهر دول من جوايا......كلامي موجة لكل حد موقف حياتة عند لحظة وحشة عدت ضايقتة والله فوت و عدي و عيش بقا و إضحك و لما تزهق من الضحك إتبسط و لو جت حاجة تضايقك إبتسم و بس و أوعي تزعل ولا تبكي خليك قوي الزعل سهل أي حد بيعرف يزعل أسهل حاجة إنك تسيب نفسك للكآبة و الزعل بس القوة في إنك من دلوقتي و أول ما تخلص قراية كلامي تاخد قرارك بأنك قوي و إنك هتفرح و هتضحك وبس وإنك هتدوس علي أي حاجة تزعلك و أكيد عندك أكياس زبالة كتير إحدف فيها اللي يزعلك....حب نفسك

لما بكون عايزة أبكي و أضطر إني أمسك دموعي و كمان أبتسم و أضحك و أهرج بحس إني بنتحر......حقيقي والله أصعب حاجة في الدنيا كلها لما تبين فرحة مزيفة ملهاش مكان جواك.....لما ترسم ضحكة مكان دموع....ألم حقيقي

أنا عكس ما أنا

هو إية حوار المشاعر دا؟ بجد يعني هي إية المشاعر دي؟ ولية دايماً مشاعرنا ماشية عكسنا؟ لية دايماً مشاعرنا ذلانا؟؟ لية دايماً مشاعرنا بتسبقنا و تستخبي في المكان اللي مينفعش نروح وراها فية أبداً؟ لية بقي مشاعرنا مش بأدينا لية دايماً مشاعرنا ساحلانا ورآها و مبهدلانا و مطلعة عين أبونا....واحدة بتحب واحد و الواحد دا بيحب واحد تانية و الواحدة التانية دي بتحب واحد تاني وهكذا....فيها إية لما الكلكعة دي تموت بمعني لما واحد يحب واحدة يقبي هي كمان تحبو و العكس بردو..خيال علمي أنا عارفة....بس أديني بحلم.....حقيقي مشاعرنا معلمة علينا

إية علاقة الحزن بالموت؟ يعني لية لما الواحد بيزعل أوتوماتيك بيقول أنا نفسي أموت؟ 

الكآبة حلوة مفيش كلام

إزاي تقبي شخص متشائم و كئيب في ٣ دقائق فقط؟؟ هقولك أنا

متفرحش و انت بتحب حد و هو كمان بيحبك لأنو أكيد هيسيبك

متفرحش و إنت بتجهز لفرحك لأنك أكيد بعد ما تتجوز هتعيش عيشة منيلة

متفرحش لما تلاقي نفسك سينجل و تفتكر نفسك مرتاح برضو هتفضل تبص عالمصاحبين و تعد تنفسن عليهم

متفرحش لما تلاقي معاك عيلتك لأنهم أكيد هيموتوا و هيسبوك

متفرحش لما تلاقي معاك فلوس كتير لأنك أكيد هتلاقي ميت ألف حاجة تانية ناقصاك

متفرحش لما تلاقي نفسك فرحان لأن أكيد هتيجي مليون ألف مصيبة تنكد عليك

متفرحش و إنت خارج خروجه حلوة لإنها أكيد هتخلص

متفرحش لما تلاقي صاحب وفي و جدع لأنو أكيد هيديك علي أفاك بس مستني الفرصة تجيلو

متفرحش وانت بتحتفل بعيد ميلادك يا أهبل راحت سنة من عمرك من غير ما تعمل فيها حاجة عدلة

ها؟؟ لسه في حد متفائل أكمل!! ولا حلو كدا

جوزي مصاحب

في آخر كام سنة إنتشرت ظاهرة مرعبة إنتشرت بطريقة خليتني أحس إن هو دا بقا العادي....هاشرحلكوا إية هي....في المشهد الأول تلاقي شاب متجوز يادوب بقالو سنة أو سنتين و لسة مخلف بيبي عندو شهرين تلاتة.....المشهد التاني زوجة مشغولة بالخلفة الجديدة ملهية فية ترضع تغير تنيم تحايل سهرانة دايماً و لما ينام متنمش هي تقوم تنضف و تطبخ تروق وتغسل و تنشر و تكوي الهدوم تخلص شغلها يكون جوزها جية مالشغل تحط الغدا و ياكلوا سوا و قبل ما يخلصوا يصحي البيبي فتجري تشيلوا و يفضل في حضنها لحد ما يخلص البيه غدا فتستسمحوا يشيل إبنة حبة عقبال متغسل الصحون....ف يأووووف سيدنا...ويمد إيدة وياخدة منها و في وسط ما هي بتغسل في الطباق تسمع البيه بينادي عليها جري إية يا هانم ماتخلصي أنا تعبان من صباحية ربنا و عايز ألحق أنام شوية عشان أعرف أنزل لشلتي مستنيني و محضرنلي ماتش كورا و بالشكل دا مش هاعرف ألعب يلا إنجزي ماتخلصي....فتيجي جري و تستلم الشيفت اللي مبيخلصش.....دخل هو ينام مع العلم إن مراتة منمتش عينها غير ساعتين و قايمة بدورها و مكملة و هو عشان شال إبنة ثانيه مستحملش و عايز ينام.....صحي البية لبس هدومة و قبل ما ينزل مسكتش طبعاً نكد عليها و قالها هو إنتي إية مبتحبنيش مبقتيش فاضيالي خالص حرام عليكي إهتمي بيا أوف عليكي زهقت منك دايماً يا مع الواد يا إما بتنشري يا إما بتطبخي مبشوفش وشك جري إية يا شيخة هو كل من خلف بيهمل في جوزو متزعليش بقا لما أشوفلي غيرك......إنهارت مراتة من كتر التعب البدني و النفسي و كمان كتر الضغوط مصدقتش إنو مبيقدرش كل تعبها دا و سهرها و شقاها و زن إبنة و كل دا و هي مشتكتش و مستحملة....و هو عشان هي بس متبهدلة في شغل بيتو و ابنو مستحملش يا عيني....شقيان يا عيني....طبعاً لما بكت قام قالها يخرب بيت النكد يا شيخة أنا نازل غاير.....بصيتلة و سكتت...نزل الأستاذ و هي دموعها علي خدها قامت كملت شقا في البيت و نامت متنكدة وهو قاعد عالقهوة يقهقه ويضحك و كملت بأنو طلع موبايلو عشان يكلم صاحبتو......آه صاحبتو....جنابو مصاحب واحدة روشة مسبقلهاش الجواز بيحب فيها و تحب فية....راسم عليها دور المظلوم اللي مراتة أشكيف حياتة و مبهدلاة و هاملاه و بتكرهة و يا عيني هو طول النهار بيحب فيها و هي تقولوا غور يلا وإمشي ميهمنيش كل دا أنا عايزة فلوس عايزة دهب.....راسم عليها إنو ملاك و ملهوش مكان جمب مراتة و إنو عايش عشان بيحب إبنو و بس....و صاحبتو بتحبو طبعاً و مدلعاه و مهنياه ماهي شايفة الوش الملاك منو بس.....حبت فية جرأتة معاها في كلامة شدها بقلة أدبة و سفالتة في الهزار....ما هي آنسة و كويسة مشفتش كدا في ولاد كتير فحبتة.....جية في يوم كلمها و قالها أنا هطلق خلاص.....فرحت أوي.....وعشمت نفسها بأنها طبعاً هتكون العروسة الجديدة و هتسافر معاه فين في الهوني مون فضلت تتخيل نفسها معاة و كانت متأكدة أنها هتكون مراتة.....تاني يوم جالها الجدع قال يعني مدمع و عينه حمرا ضحك عليها بهيئتة ضحك عليها و رسم عليها دور المطلق المسكين و قالها إنو سابها خلاص و إنو محتاج حضن منها علشان بس تهون علية و تطمنة....حضنتة....و بعدها موت برائتها موتها خالص....ضحك عليها.....وبعدها ما خلص البيه الجدع رجع لبيتة مبسوط أوي....راح باس إبنو اللي نايم و طبطب علية....رجع سريرة جمب مراتة و قام حاضنها و قايلها بحبك أوي.....بس قبل ما ينام بعت رسالة لصحبتة مضمونها كان مع مسمعش صوتك ولا أشوف خلقتك تاني يا مدام

بدلة سودا

إنهاردة ناس كتير إتجمعت....لبست هدومها السودا و بس....راحوا مكان العزا....عزا محمد....ولد مكملش عمرة ٦سنين....مات محمد...وأنا داخلة مكان العزا لقيت لوحة متعلقة مكتوب عليها "عزاء المرحوم محمد أمين" جمبها واقف راجل بيبكي باصص للوحة و بيقول لكل اللي عدا دا إبني أنا و فرحوا إنهاردة إتفضلوا أول يمين يقابلكوا هتلاقوا قاعة و ناس مبهدلة لابسة أسود ناس حقودة مش مبسوطين بفرح إبني...إتفضلوا....قلبي واجعني علي أبوة أوي....و في العزا في أول كرسي يقابلك عاليمين في ست ساكتة مقهورة أوي مجبورة تقبل بواقع أليم مجبورة تسلم بموت إبنها....دموعها كانت مبتقفش....عينيها شبة مغمضين...ماسكة في إيدها صورة لية و تيشيرت بتاعتة و حضناهم أوي....وجمبها واقفة جدتوا واقفة متسندة بتاخد العزا في حفيدها الأمير....و قاعد بعيد ستات كبار عواجيز أوي....أقول لنفسي محمد صغير طفل برئ كان زي الملاك...محمد يموت.....معقول كدا.....يموت الصغير و العجوز ييجي يعزي...حقيقي مستغربة...مشهد وجعني...مات محمد قبل قبل دخول المدارس ب ٤ أيام...مات و هو كان محضر لبس المدرسة و جايب شنطة جديدة....مات و ساب أوضتة الجميلة....مات و ساب لعب جديدة جايالة كانت في عيد ميلادة سابهم حبيبي ملفوفين بورق الهدايا و لما سألتة أمه وقتها ليه يا حبيبي مفتحتهمش؟ قالها الحاجة و هي ملفوفة أحلي يا مامي يا بختهم ملفوفين يا بختهم...كأنوا حاسس إنة هيتلف بالكفن فبيطمنها بكلامة اللي كان قبل موتو ب ٢٤ ساعة.....مات وساب أمة و أبوة لوحدهم و راح إبنهم مفضلهمش غير صوروا بس وشهادتين واحدة ميلادة و التانية وفاتة..شهادة وفاة هي كل اللي باقيلهم ورقة مكتوب عليها بقلم بتقولهم إنوا مات و ملهوش وجود فإنسوه بقا

طنط هتتجوز

شاب سنه ٢٧ عايش سينجل قابل في يوم بنوتة كان عمرها ٣٢...معجبة هي بجمالة و بدمة الخفيف و هو كان بيعاملها كأنها أختة الكبيرة فضلت تلف و تدور علية ورد تجيب مكالمات كتير مسچات كل ٤ ساعات ولا الأنتي بيوتيك وحشتني نفسي أقابلك...يرد عليها مانا لسة سايبيك تقولوا بقولك وحشتني و قالتله كلام ميلقش بواحدة بنت ناس مؤدبة....إحمر وشه يا عيني علية و إرتبك وقالها هاقفل سلام...أصول مؤدب مشفش بنات كدا....بس إنبهر وحس برجولتة...حس إنو جامد و إنو مأثر فيها أوي....ضحكت علية ولفتة ب بوسة و حضن جننتة بكتف باين و كلام كتير خليتة ياخد قرارة بأنة هيتجوزها.....يرجع ضميروا يقولوا فوق هتتجوز واحدة كانت يوماتي تبوسك و تحضنك؟ فيقنع نفسو إن أصل عشان هو جامد و ملفت أوي فهي يا عيني علي نفسها مسيطرتش و إن أخلاقها والله متتوصفش ملهاش مثيل يا عم دوس و إفرح و بوس يلا بقا....مضحوك علية....و إتجوزها.....يا عيني علية لو شفتوا حالو يصعب عليكوا بقي شوز حريمي متساق أوي تقولوا يمين يقول آمين.....يا عيني علية

رسالة لبنتي

في أول يوم ليكي يا بنتي في الحضانة....لبستك هدومك الجديدة و عملت بشعرك أجمل ضفيرة.....فرحتك يا حبيبتي باللبس الجديد و الشنطة الكبيرة خلاني أفرح و إنبساطك بطول ضفيرتك خلاني أضحك....نزلنا نوصل أجمل بنت للحضانة....و طول الطريق عمالة انتي تتكلمي و تسأليني حلوة الحضانة؟ هلعب هناك؟ هيكونلي صحاب؟ فأضحك وأقولك يا بنتي أصبري....وصلنا و نزلنا دخلنا هناك و أستقبلوكي و غنولك و سقفولك و فرحوا بيكي
 أوي....كنتي ساعتها مخضوضة أوي قربت منك و قلتلك في ودنك أوعي تخافي....في وقتها دخلت ماريا...أقصد ميس ماريا....قالتك ويلكوم يا أحلي بنت....نظرتها ليكي كان فيها حاجة مفهمتهاش....جت الساعة ٢:٣٠ قررت أخدك و نروح بقا....جيه تاني يوم وصلنا بدري وقبل ما نوصل سألتيني هو انتي هاتسيبيني يا مامي؟ رديت عليكي قلتلك تحبي إية؟ قلتلي خليكي معايا حبة صغيرين بعديها إمشي.....و أتفقنا علي كدا....دخلنا الحضانة لقيناهم في أوضة الفطار دخلت معاكي و لما قعدت لقيت ميس ماريا مكشرة فنفضت خالص حاولت ساعتها أفطرك فمرضتيش حاولت ماريا تأكلك قلتلها لأ ....قامت ماريا مزعقة و بعلو صوت قالتلك يا تاكلي يا إما مامي هتمشي باي ها هتاكلي ولا هتعدي هنا لوحدك من غير مامتك؟؟ رميتي نفسك في حضني و بكيتي جامد من غير أي صوت فضلتي تنتفضي و تترعشي مالخوف....حسيت بغضب شديد حسيت بأني إبتديت أبقي عاجزة عن حماية بنتي...فقمت  و ختك و فضلتي تبكي و انا أهدي فيكي و أقولك يا عمري إنتي في حضني خايفة لية.....دخلنا الفصل وبعد كام دقيقة جت الميس ماريا فاترعشتي ولما بصتلك بكيتي جامد....بصة عنيكي في الأرض بإنكسار في قفلة إيديكي الصغيرين علي لبسي حسيت بإنهيار.....قررت إني مش هسكت يا بنتي....قررت إني هاقوم و هامشي و هاخدك معايا بس قبل ما آخدك قلبت المكان بهدلتها بأزبل كلام عرفتها إنها فاشلة و مرعبة عرفتها إنها لا تصلح في كونها مدرسة أطفال يا عيني لسة يادوب مكملين ٣ سنين.....أنتي معايا يا بنتي يا قلبي هنمشي خلاص مش هنيجي هنا تاني....لمعت عنيكي المكسروين و إبتسمتي......من ناحية تانية الكلاب أي كان مين هما فصيل سياسي إرهابي بتنجاني أي كان فجر كنيسة في الوراق فمات ناس كتير فزعلت الميس ماريا راحت شغلها قابلت عيال مسلمين قالت تطلع عين أمهم و كت بنتي منهم قالت تجيب حق اللي ماتو في الكنيسة!! ماتوا الجنود الصايمين علي حدود رفح ماتوا!! مسيكنا في خناق النصراني؟ طب لية يا ميس ماريا كل دا!! عملتلك إية بنتي حبيبتي؟ ولا عشان عرفتي إنها مسلمة مجرمة .....أنا و بنتي آه مسلمين بس ملناش دعوة باللي حصل و والله موجوعين علي كل و أي حد مات....ومقدرين حجم المصيبة...اللي ماتو مصريين و إحنا بردو مصريين زيهم....ملهوش مكان المرض الديني بجد والله ملهوش أي موقع....شخصية مريضة رعبت بنتي لمجرد إنها مسلمة

كلنا جوانا أوضة مضلمة مليانة كراكيب و ياريت بعد ما تقري كلمة كراكيب متستغربش أوي و تعمل نفسك مفهمتش...الأوضة دي ليها مكان في قلبنا مليان أحداث علي ناس مبقتش موجودة في حياتنا علي ذكريات لما تفتكرها وانت بتقري كلامي هتبتسم و فيها كمان فراق و فيها ذكريات لينا مع أبونا و أمنا فيها لعب مكسرة و فيها كمان صوت البحر و فيها طعم الفريسكا اللي ميتنسيش فيها كمان عنقود عنب ماسكوا بإديا المبلولين مية مالحة...في الأوضة دي قرارات كتير و كلام كتير مقولناهوش....الأوضة لية مضلمة؟ و إزاي في عز ما هي مضلمة شايفين كل دا؟ هقولك أنا....كلها دي ذكرياتك و انت أكتر واحد عارف في إيه في حياتك عايز تخفيه و عشان الأوضة بتاعتك و الكراكيب بردو بتاعتك فانت شايف إنت بتخفيها فين أما بقا ليه مضلمة فلإن إحنا كلنا ببساطة عايزنها تفضل كدا غامقة خالص لأنها لو نورت هنشوف اللي فيها بكل وضوح هنشوف حاجات إحنا عايزين منشوفهاش فركناها جوا الأوضة دي جوا قلبنا و قفلنا جميع الأنوار خليناها معتمة...كدا أحسن والله

فيسبوك ستايل

بتكلم عن الفئة اللي بتستخسر تعبر عن إعجابها بأي حاجة....سؤالي ليهم السلوك دا ليه؟ لما انت شايف حاجة و عجباك و بتعلق عليها جوا نفسك طب لية بقي مبتطلعش إعجابك دا برا نفسك!! مش هتخسر حاجة صدقني...بالظبط زي لما حاجة متعجبكش أو فيا حاجة مبتريحكش فتعد تنقدني و تلومني و تهريني عتاب و ميت ألف كلمة إنتي غلط فلية بقي لما تلاقي فيا تفصيلة حلوة أو تيجي مني حركة لذيذة مسمعش كلمة كويسة....حجتهم إيه "أصل إحنا صراح" في النقد بس!! لكن كتومين جداً في التشجيع و الكلام الكويس...أحب أقولكو رأيي بصراحة إنتو ناس كوپي ٤

أنا حاسة بيك

باين علية أوي إنو بيحبها بس مش سهلة يقول...وهي طبعاً حاسة بية و نفسها تهون علية بس بردو مستحيل....كان لما يشوفها ويا حبيبها يتجنن يموت ولما وهي ماشية تمسك إيدية غيرتة عليها تزيد أوي لدرجة عينية تحمر وتلمع فيها الدموع....و لما يشوف عالفيسبوك صورتها يغير أوي و يفضل يقول في جوا نفسو فية إيه العيل دا زيادة عني....من كتر غيرتة قرر يدوس عليها و يمشي و يحب غيرها...فضل يدور علي واحدة بس تكون في شكل حبيبتة القديمة طولها يكون نفس طولها و نفس لون العنين والشعر ففضل يدور لحد مخبط في زميلة معاة في الشغل كانت بتحبة من كام سنة تجيبلو ورد و في كل عيد ميلاد لية لازم تفاجئو المهم قرر إنو يحبها....حب بقرار...مبيجيش الحب اللي بالنوع دا...القرار بيجيب دبل بيجيب جواز بيجيب عيال بس حب لأ مستحيل....معرفش ينسي حبيبته القديمة باين علية....بيحبها و لما بقي ويا غيرها كل يوم بيها يقارنها....يعمل إيه بيحبها و ملهوش مكان جمبها

يوسف و مريم

راجل عجوز....التجاعيد راسمة إبتسامتة اللي باين عليها مكمله معاة من أيام شبابة...بصة عينية للأرض مكنتش بالنسبة لي إنها مجرد إنو عشان ماشي منحني فباصص للأرض...حسيتو بيعاين المكان اللي رايحلة زي تمام ما نيجي نسافر فنفضل نجوجل علي صور الأوتيل و المكان المهم فضل باصص عالأرض كتير ماشي قاعد برضو عينية في نفس الإتجاه...صعبان عليا لإنو خايف بس فرحتلوا لأنو قرب يخلص الإمتحان..بصة عينية بتقول إنو خلاص بيراجع هو عمل إيه في الإمتحان....الله!! راحت إبتسامتة!! طب لية كدا آه من الواضح إنو و هو بيراجع عمل إية في دنيتة لقي كام غلطة مقلقينو .....فكر ساعتها هو عمل إيه....إيدة اليمين عالعصاية و الشمال السبحة فيها....قعد يسبح و يدعي إنو بس ضميروا يريحوا...و أنا جوا مني عايزة أقولوا يا حج قولي عملت إية مخوفك؟  إحكي و فضفض يمكن أعرف أريحك؟؟ تجاهلت خوفي و كسوفي و رحت لحد ما هو قاعد و قعدت جمبو و سألتوا.....فرد عليا بأحلي إبتسامة....وقالي ربنا إداني بيت و زوجة صالحة و رزقني بمريم و يوسف فشكرته جداً بكريتي ولد و بعدها جتلي مريم حنيتها عليا تكفي بلد....قاطعته و قلتلة فين المشكلة؟؟ قالي يا بنتي صبرك هو انتي لية مستعجلة...ضحكت و قلتلة خد راحتك يا جدي أنا بس نفسي أسمع كلمة خلاص كدا عشان نفسي أطمنك....أنا آسفة والله كمل بقا...مريم كبرت و دخلت كلية الطب فرحت بيها جداً خلاص بقيت أبو الدكتورة.....ويوسف بقا ظابط كبير...كبير أوي.....يوسف و مريم كبروا سناً و مقاماً ...يوسف بقا يا بنتي إتجوز بنت سيات اللواء أما مريم فأتجوزت إبن الدكتور الكبير أوي ده اللي إسموا .....إسموا والله يا بنتي منا فاكر بس هو دايماً بيطلع في التيفزيون....وأنا من جوايا إبتديت أمل اللي هوا عايزا أقولو إنجز يا عم بس فقولتلوا كمل يا جدي...المهم إتجوزا وأنا و أم العيال كنا بيعنا كل اللي حيلتنا عشان نعلمهم أحسن تعليم و نجوزهم إتفقت مريم مع يوسف إنهم يعملوا دخلتهم في ليلة واحدة ففرحنا أنا و أم العيال أوي قلنا ياه تعبنا مراحش كبرناهم و علمناهم و ربيناهم علي إنهم يكونوا جمب بعض و يحبوا بعض....جية ساعتها يوسف يقولي معلش يا حج أرجوك في فرحنا مش هينفع تيجي ولا أنت ولا الحاجة....قلتلة إية!! قالي يا أبويا أنا و مريم قلنا لنسايبنا البهوات أنك أنت و أمي موتتوا.....متنا يابني...آه متوا مالك؟؟ إتفقوا يوسف و مريم إنهم يتيتموا لأننا دون المستوي..... وأنا بس مجرد مبسمعوا والله عيني بكت من غير ما أحس....بكيت أوي ووسط ما ببكي أخدت نفسي و سألتة طب فين غلطتتك؟؟ عملت إنت إية؟؟ ضربتوا؟؟ دعيت علية؟؟ جالك بعدها يستسمحك وانت طردته؟؟فين غلطتك؟؟ إيه غلطتك؟ قالي غلطت إني خليتة يكبر في المقام و السن طبعاً و سبت جواة فاضي....جواة فاضي أوي

رسالة لبنتي

بكرا بإذن الله تعالى هيكون أول يوم لبنتي في الحضانة....جوايا فرحة بإنها كبرت و ابتدت تمشي في طريق نحو مستقبلها ولكن في النقيض إحساسي و فرحتي بإنها إبتدت تكبر ولد شعور عندي بالخوف والله لا يوصف....خوفي عليها مش من الحضانة ولا إنها هتبكي شوية ولا إني لأول مرة منذ ٣ سنوات نفترق حتي ولو ل ساعة إنما خوفي عليها لإن أول كام خطوة ليها بتجيب الباقي حضانة تجر مدرسة جامعة شغل يجيب جواز عيال و هكذا أنا فكري مش متخلف لكن أنا عايزة بنتي أكون أنا و أبوها سقفها و غطاها مش عايزاها ولا تتجرح ولا تتهان و لا حتي تشوف قذارة الدنيا مش عاوزاها تتعامل بطيبة و تتوجع بعدها زيي أنا.....نفسي والله لو بإيدي أفضل غطاها و أول ما يجي جرح نحيتها ولا إهانة آخدها أنا و قبل ما تنزل دمعة واحدة من عيونها أكون أنا منديل لعينها و قبل حتي متقول يا أمي أكون معاها حمياها من كل شر.....نفسي أخدها تاني جوا مني متغيبش ثانية عني خالص و لو زعلت يكون بس مني أنا أو من باباها.....قلقانة عليكي يا بنتي يا قلبي.....بس في حاجة واحده مطمناني إنها كل يوم بليل وهيا بتنام تقولي مامي أنا بحب ربنا أوي..آه والله بتقولي كدا و مدام بتحب ربنا أكيد هيكون ربنا بيحبها......والله لو أضمن إن بنتي  متشوفش جرح ولا عيونها الجميلة تطولها الدموع لو أضمن إن ولا يعرف الحزن عنوان ليها لو أضمن إن عمر ما ف يوم يهينها حد لأركبها صاروخ و أزقها لمستقبل جميل مفيهوش وجع

ركز أوي في مواقفك مع الناس دلوقتي لإن طبعاً زي مانت عارف حوار إن الأرض أصلاً إسمها الكرة الأرضية سيبك من الأرضية و ركز معايا في الكرة....الكرة طبعها إنها بتلف و تدور يعني فوقها بيجي تحتها و العكس....فهمتني؟؟ أيها الإنسان لا تتذمر من مستقبلك فإختياراتك لمواقفك و تعاملاتك مع الناس في الحاضر هي ما تصنع مستقبلك...حبك للناس إذا إعتقد أنة هبل فأنت مخطأ طيبتك و تسامحك إن خيل لك أنه لا محل لها فأنت أيضاً مخطأ والله كل هذا ستأتي لك بعد حين.....ظلمك و قهرك و كسرك لقلوب الناس أيضاً سيأتي لك بعد حين فلا تغتر أيها الظالم معتقدا إنك كدا خلاص نفدت لأ يا حدق في مستقبل سيأتي إليك ملون باللون الأسود لون ظلمك سيأتي مستقبلك تماماً كما رسمته وفي هذا الوقت نظراً لأنة لا يوجد غير ٢ فلومستر واحد  أبيض و التاني أسود فستأخذ أيها الظالم اللون الأسود تاركاً الأبيض للمظلوم لينعم به باقي حياتة.....قبل أن تلون حياة أحد بلون تذكر جيداً بأنك سوف تأخذ ما إخترت لة بعد حين فأحسن في إختياراتك للناس

رسالة لبنتي

في لحظة ولادتي لأحلي بنت....إتألمت أوي والله شفت وجع يهد الجبال بس كنت مستنية اللحظة اللي هحضن بنتي فيها و زاد الألم و علي صوت الصريخ جيه الدكتور و فال إنقلوها يلا غرفة الولادة بصيت لأمي شفت فعنيها خوف شديد أوي عليا و شفت أبويا حسيت إني إطمنت بصيت لجوزي فوطي عليا و قالي أوعي تخافي يلا هاتلنا بنوتة قمر...جت الممرضة و هيا بتاخدني أمي قالتلها خدي بالك عليها....فردت و قالت يا مدام دي سهلة و بدل قلقكوا ماتدعوا ليها....كلو إبتسم و رفعوا إيديهم يودعوني....ودخلت غرفة العمليات والباب بيقفل و خبي وراة أبويا أمي و جوزي.....الدكتور كان كلامة ليا متقلقيش عيطت جامد قال متخافيش زاد بكايا  جداً و معاه الألم بقا مستحيل قال الدكتور بسرعة أوي تبنجوا المدام لسه بقولو براحه قالي عدي ل ٣ قلت ١ ٢ ٣ و بعد ٣ فتحت عيني لقيت بشر و ألم فظيع لا يحتمل و صوت بكا.....أمي تبوس جبيني و أبويا ماسك إيدايا غمضت تاني ومتألمة وفجأة لقيت الكل يباركلي الله أقول لنفسي بقا معقول أعد ل ٣ فيحصل كل دا....المهم جابولي بنتي و سندوني قعدت شوية و شلتها ضمتها أوي حضنتها جداً ياااااااه عاللحظة دي والله حضنها و نعومة جلدها و عينيها اللي لسة مغمضين نسوني مليون ألف وجع....حضنها نساني كل آه قلتها....قفلت إيديها الصغيرين علي صباع إيديا فوق الخيال متتوصفش...وانا حضناها فضلت أحكيلها قد إيه أنا كنت مستنياها و اني لما تكبر هتقبي أختي واني كل يوم هخرج معاها و بقيت مستعجلة إنها تكبر إن السنين تمر و ألاقيها بتتكلم معايا بقي نفسي و هي لسة مكملش يوم عمرها تجاوب عليا هتحبني؟هتكون سندي و كل اللي ليا؟ وحتي إذا جاوبتي ب لا أنا هفضل في ضهرك و هحبك لحد آخر يوم في عمري لإنك حقيقي جزء مني...بنتي حبيبتي......ألم الحمل و الولاده يستحق التحمل

الشاب الناصح هو شاب يعتقد أنة صايع زياد عن اللزوم و من أهم سماتة: عارف كل حاجة, بيزعم إنو بيعرف البنت من أول نظرة إذا كانت محترمة ولا لأ , بيتأخر في الجواز عشان ينقي ست الكل و ست الستات اللي هتشيل أسمو (هتشيلوا من قاموس الرجولة)،،،،دمه يلطش بس غالباً بيقبي فاكر نفسه عسلية،،،،شخص بيصاحب بنات كتير أوي بحثاً عن الهدف المنشود،،،،إبتسامتة رائعة،،،نهايته مبدعة،،،البيه الناصح قصدي اللي عامل فيها ناصح بيسيب ألماظ عشان ورق....أيوا والله ورق....خسر ناس كتير تستاهل و لأنو صايع و صايع أوي كمان خد الرخيص

شعب مصري مليء بالمتناقضات بيكره الفئران و بالرغم من كدا بيموووووت في ميمي و ميكي بيكره التخن و بياكل بآخر آخر زادو بيكره المرض و مع ذلك مبيعملش أي حاجة يحافظ بيها علي نفسو بيكره الكفار أوي و يشوف فيلم هما فية يقوم قايل أعوذ بالله و مع ذلك الكفار حقيقي أهون منهم!! ايوا والله أهون

أتحدث لأوضح لكم بعض النقاط التي قد تغير أسلوب معاملتكم مع بعض الأشخاص و أنا سبق و وضحت أنه قد تغير مجرد قد...الحب مش بفلوس يعني مفيهاش حاجة لما تحب كل الناس...الوش الحلو مش بس للناس اللي ليك معاهم مصلحة الوش الحلو دا عادي جداً يقدر يكمل معاك لبسة و اتنين و ألف لكل الناس اللي ملكش معاهم مصالح واللي ليك أيواللهي.....الطيبة و أتحدث بالأخص عن الجزء الضئيل جداً الذي أوشك علي الإنقراض خلينا نزوده كأنك بالظبط عندك حساب في البنك يا سيدي و بتحوش فية لو فية جنية هتزودة طبعاً طب يا آخي متزود الطيبة و أديك بتحوش عند ربنا....الغيرة و الحقد و النفسنة نحرق أبوها ملهاش أي لزمة والله مبتغير من الواقع كل اللي بتغيرة بنفسيتك الزبالة دي الناس اللي حواليك اللي كانو بيحبوك أكيد لما يحسوا بحقدك عليهم هيلغوك....إذا كانت شخصية أحد بها نقطة واحدة من ما سبق فا قشطة يعدي...نقطتين يحاول يهدي نفسيته..٣ نقاط ربنا معاة.....أما إذا كانت شخصيته بها كل ما سبق ف كلامي للي حوالية فككوا من أمو و تنفيض عالي جداً جداً دا لو عايزين تعيشوا مدة كاملة أما بقا لراغبي الإنتحار أنصحههم بمعاشرة مثل الشخصيات و في خلال أسبوع هتلاقو نتيجة مذهلة.....

إحذر لوعودك

عن أكثر أنواع الخيانة المؤلمة أتحدث....إنها خيانة الوعد نعم خيانة الوعد....لماذا حين تذكر كلمة خيانة نستحضر مشهد الخيانة الزوجية فقط....أول الجرح بالسكين مؤلم أيضاً كآخرة نعم الخيانة الزوجية مؤلمة لأنها أقصي درجات الإنحطاط و لكن هذا لا يقلل من واقع أن خيانة الوعد مؤلمة جداً حين يخذلك شخص حين يخلف وعده لك الذي كان لك بمثابة طائرة الإنقاذ سوف تشعر بما أشعر به الآن ستشعر بأنك فُقدت.......أنا خُذلت

عن أكثر أنواع الخيانة المؤلمة أتحدث....إنها خيانة الوعد نعم خيانة الوعد....لماذا حين تذكر كلمة خيانة نستحضر مشهد الخيانة الزوجية فقط....أول الجرح بالسكين مؤلم أيضاً كآخرة نعم الخيانة الزوجية مؤلمة لأنها أقصي درجات الإنحطاط و لكن هذا لا يقلل من واقع أن خيانة الوعد مؤلمة جداً حين يخذلك شخص حين يخلف وعده لك الذي كان لك بمثابة طائرة الإنقاذ سوف تشعر بما أشعر به الآن ستشعر بأنك فُقدت.......أنا خُذلت

عن أكثر أنواع الخيانة المؤلمة أتحدث....إنها خيانة الوعد نعم خيانة الوعد....لماذا حين تذكر كلمة خيانة نستحضر مشهد الخيانة الزوجية فقط....أول الجرح بالسكين مؤلم أيضاً كآخرة نعم الخيانة الزوجية مؤلمة لأنها أقصي درجات الإنحطاط و لكن هذا لا يقلل من واقع أن خيانة الوعد مؤلمة جداً حين يخذلك  شخص حين يخلف وعده لك الذي كان لك بمثابة طائرة الإنقاذ سوف تشعر بما أشعر به الآن ستشعر بأنك فُقدت.......أ

حال البنات

أنا محبش أتحبس...ولا قيود و لا جواز ولا حتي دبلة تتلبس...مش عايزة أكون لحد غير لنفسي...يعني إيه أخدمك أطبخ وأحمل و أخلف و أسهر و أربي
لية كل دا.......أنا يومي عالنيل بيبتدي....أخرج براحتي أنزل أروح أي مكان من غير آلووووو ممكن أروح هذا المكان و يأتي معي هذا الفلان؟؟ فأسمع كلام بيقول كالآتي "فوقي يا هانم إنتي مدام و ميصحش تخرجي ويا الشباب و كأني هاخرج معاهم في أوضة و أقفل علينا كل البيبان!!! وترااااخ السكة تترزع في وشي طبعاً
يااااه علي المشهد اللي فات ياه خلاني أتأكد من إني فعلاً عالرايت تراك أنا واحدة بطولي محبش تحكم و غيرة و حبس
ليه بقي كل دا عشان لما ينادوني يقولوا

يا مدام

توتي أنتكة

بنوتة شايفة نفسها أحلي البنات...ميهمهاش كل اللي فات....الأدب جواها مات....ليل و نهار عالكمبيوتر مقضياها شات....إنت فلان ولا فلان....أحمد محمد مصطفي  هارينها كلام من دهرها و هي فاكرة نفسها فوق السما...برائتها فين أخلاقها فين أبوها مين دي و أمها

سمعت في يوم  كلام فظيع متقال علي لسان مصطفي....ولماسألتة طبعاً نفي

بكت أوي و راحت تقول لربنا لية كل دا

وهي بتدعي و بتشكي و تبكي شافت حياتها قصاد عينيها شافت فساد أخلاقها  شافت صياعة و قلة أدبها وقتها بس إتكسفت من نفسها و من لومها علي ربنا....سجدت لربنا و كانت أول سجدة ليها و قررت تتغير...و إتغيرت

لبست الطرحة....إتحجبت 

عرفت تنام عرفت تعيش عرفت ساعتها إنو مفيش أحلي من ربنا 

متضيعوش وقتكوا....لفوا و إرجعوا و إطلبوا منو السماح

راجعوا نفسكو

هو إيه....بيحس بيا من غير ما أقول خوفه عليا كأني نجمة وسط السحاب و لما أبكي ياخد دموعي يحطها تحت التراب و لما أحلم زي البنات....ميكونش حلم و أشوفة بس ف خيالي متنمش عينو و غيرإلا لما يحققلي كل اللي في آمالي هو كدا....مخلوق كدا....غير البشر

برادلي مكدبش يا شباب الراجل قال إننا هنروح المونديال و الراجل محددش كلاعبين ولا كمتفرجين لية بقا الهجوم عليه الحج وعد و وفي إحنا هنروح نشجع ....المنتخب المصري بقا منتخب للتشجيع فقط و برادلي مدرب المشجعين

رسالة لبنتي

في رحلتي إلي النسيان....طالت جداً هذه الرحلة طالت حتي إني نسيت ما كنت أبحث عنة وما كنت أريدة ولكن من هذا الملاك الجميل ما هذه الإبتسامه الساحرة إنها طفلة جميلة وحيدة رائعة الملامح فقلت لنفسي أن آخذها أقنعت نفسي بأن هذه هي مكاسب الرحلة المزعجة طفلة صغيرة جميلة رقيقة تشغلني وفي أثناء إعتنائي بها سوف أنسي ما أريد أن أنسي فأخبرتها بأنها سوف تكون كظلي وعدتها بأنني سوف أجعل الضحكة لا تفارقها فأبتسمت إبتسامة ملئت فراغات تركها لي الزمن و مشينا سوياً أنا و ملاكي الجميل يوماً فالآخر فشهر فعام أعتنيت بها حقاً أحببتها أصبحت تمل من الضحك وفيت بوعدي لها ولكن ماذا عن وعدي لنفسي! ماذا عنه! هل مشقتي معها جعلتني أنسي ما أريد أن أنسي!! كانت إجابتي لا لم أنسي فقررت الهروب...نعم سأهرب و بدأت أبرر لنفسي بأنني تعبت و أن الذكريات المؤلمة زادت لا قلت و أبتدأت أقنع نفسي بكلام معسول أوله هروب جديد و آخرة كسر قلب صغير جميل كان قد بدأ ينسي الحزن و الوحدة و أنطلقت في أثناء نومها و في طريقي إلي الباب سمعتها تنادي أمي.....أمي

فتوقفت.....وقلت لها سوف أحضر

فقالت أمي......أمي

فقلت لها إني مللت و إني قررت الهروب و قلت لها  إنني أريد النسيان و أتهمتها بأنها زادت همي ولكن وسط صراخي و بكائي صمت لمدة ثانيتين و أيقنت من صوت بكائها أنها مازالت صغيرة لتفهم هذه الردود مازالت بريئة لتفهم هذه الظروف مازالت نقية لتفهم هذه الحماقات 

فعدت لها بقلبي قبل خطواتي فأرتمت في حضني و كانت عيناها تتحدث عيناها بها وعود و حنان ليس له مثيل تحدثت بعيناها و قالت لي كلام بنظرات كان صادق جداً كلام عيناها غيرني.....

وجاء قراري.....

لن أتركك و سأظل بجوارك إلي أن يفني جسدي

تخليت عنك لأنني إعتقدت أنك أسوأ الناس و ظللت أبحث عن من هو أفضل منك نعم أنت كنت مقياسي و في يوم من الأيام وجدته نعم وجدت من هوأفضل منك من كان في خيالي وجدت من كنت أتمنى ففرحت فرحة ليس لها مثيل كانت الإبتسامه لا تفارق شفتي وبعد عام و الثاني قد حان وقت "لكن" نعم لكن حبيبي تحول إلي أسوأ البشر وقتها فقط أدركت إنني أهدرت وقتي في البحث عن خيال فقط يوجد في الخيال و أيقنت أن من تركته في البداية لا يختلف كثيراً عن من فضلتة في النهاية وإن وُجد إختلاف فيكون فقط في الأسماء

فورمة مراسي

بنات متوفر الآن كتاب كيف تحصلين  علي فورمة مراسي بالساحل الشمالي سيدي عبرحمان  في ٢٤ ساعة: ميك آب صارخ بجميع درجات الفوشياهات, نضارة شمس فريم بلاستيك لون مطرقع و لازم تكون كبيرة أوي ,مايوة قطعتين رفيع جداً منغبش و يا سلام لو منقرش ,ڤيري هوت شورت ,فاننة شفافة فسفورية قصيرة جداً تكاد تكون منعدمة ,عشر تلاف حلق في الودن ,زيت ذرة محطوط في أي إزازة مكتوب عليها بالإنجليش ,كتاب بردو إنجليش مجرد للمسكة في الإيد بغرض المنظرة و تدفئة كفي  اليد ,موبيل سامسونج نوت ٢ ,إزازة مية إيڤيان ,بس كدا و إتجهي بقا إلي الساحل يا سنيورة منك لها آه صحيح نسيت أقولك لو لقيتي كلب بيجري ناحيتك علي البلاچ أوعي تخافي البنات الكول مش بيخافو من الكلاب بالعكس عشان النضافة تكمل حبي الكلاب و طبطبي ياختي عليها 

ماتش إنهاردة حقيقي جميل و رايق قوي بس بصراحة كان ناقصة عيلاء صادق

منتخبنا المصري الأصيل رايح يغير جو و يشوف مكان جديد مش رايح يلعب كورا

ما شفش الرجال السمر الشداد فوق كل المحن ولا شاف العناد في عيون الولاد ‫#‏شادية‬ فاجأتنا كلنا و طلعت كانت بتغني ل غانا و شباب غانا

تعقيدنا للحياة هو الفرق اللي بينا و بين الأطفال إهتمامنا المزعج بأدق التفاصيل هو اللي خلانا منحبش الدنيا مثلاً لما طفل يلون رسمة بأي درجات ألوان أحمر جمب أصفر جمب أخضر لية لما بنشوفها بنتزعج إن الألوان مش لايقة علي بعضها!! هذا ما أقصدة التعقيد و الروتين يفقدان ما تبقي في الحياة من سعادة

وحتي الأحلام لم تعد تمنحنا الهروب كما يجب

رضا الناس غاية لا تدرك أو بمعنى أصح رضا الناس حاجة بنت ستين كلب ملهاش لزمة

أوباما دلوقتي هيطلع يقول إنو هيتدخل عسكرياً لحماية سعيد كلر -كوداك- فرع مصطفي النحاس #وزير _الداخلية_كان_هيروح_بوووووووووم_طاخ

نحن نعيش حياة كل منا يحاول إنهاء قصته علي أكمل وجة فنولي كل تركيزنا في قصتنا و في أي فصل توقفنا وسط شدة إهتمامنا بالنهاية تأتي النهاية بدون بداية

أحدثك يا من إخترت أحقيتك في كل الإمتيازات أحدثك يا من أعطيت لنفسك من الحرية ما يكفي قارة بأكملها أحدثك يا من إنتهكت كل الخصوصيات أحدثك يا من تحكمت في أي وقت تبكيني و أي وقت تسعدني أحدثك يا من طغيت علي أحدثك و أسألك لماذا؟؟ كعادتك لا تجيب فباب النقاش معك مغلق

السيطرة هي قفص يشمل كل النواحي عقلية نفسية إقتصادية و حتي سياسية

لمن وضعك خلفة كي يهملك ولا يراك لف و شك هيقبي هو اللي وراك

لقد أيقنت أن أصعب شئ في الحياة هو أن لا تستطيع الإجابة علي الأسئلة التي تطرحها عليك نفسك

إن ضاع منك حلم إحزن و إكتئب و قضيها لبس غامق و بعد ما تخلص الحوارات السكة دي إصنع ١٠٠٠ حلم مكانه و لا تستسلم

إنتقي من ينتقدك حتي يكون النقد بنّاء

كل منا يحاول قدر الامكان اظهار افضل ما عنده ليجد حوله المعجبين والمريدين والراغبين في التعرف اليه ولذلك علانية لا نظهر سوى افضل ما فينا هذا طبع الإنسان

مستني إية من ناس تحدثوا عن من في القبور يعني حتي الأموات لم يسلموا من لسانهم فانت بقي هتعدي من كلامهم كدا سليم!! هتعدي نضيف من غير ما تطولك كلمتين كدا علي كام حوار!! تقبي أهبل

كلنا مهما حاولنا عدم الاهتمام بسؤال "ماذا بعد" بنلاقي نفسنا بنفكر فيه و دا طبيعي مهما حاولنا نتوه نفسنا برضو بنفكر في ها هانعمل إيه

أنا عن نفسي لما حد بيكلمني و يقولي بقولك إيه إقفشي علي فلان عشان أنا زعلان منو بنفض للي جابوة عشان أنا مبقباش شفت حاجة وحشة من الشخص دا كلامي موجة للشخصيات المنقادة اللي شايله مخها في الروف و أحب أقولهم إن أنا كا أنا مبسوطة جداً بانكو ظل لخيال مآتة عيرة لا تأثروا

هل أشفقتي علي ما تجدي حالك علية! ولا قذافي ستايل لا رجوع

وعد مني إني هتغير آه والنعمة هتغير يرضيك إني أكون مرايتك يرضيك إني أكون خبيثة يرضيك أزود حبتين تلاته في التحوير و بردو هأضيف شوية نفاق و هغش و همسل وعندي ليك خبر سار هلغي أوبشن التفكير و هاشوف بعينك و أسمع بودنك عشان عرفت إني بكدا هتبسط!! حلو كدا!! جاري التحميل...ولا أقولك حمل إنت أنا كدا و هفضل كدا

خيال المآتة

تعريف خيال المآتة: شئ عامل نفسو بني آدم و هو خشب لابس هدوم بني آدم و هي حتت متقيفة ولا عندو قلب ولا فهم ولا نظر بس بيرهب اللي حوالية بيخافو منو عشان بعيد عنو وأنا بردو كدا شفت خيال المآتة من بعيد إتزاولت و إترهبت قلت أقرب بس خفت قعدت حبة خايفة منو بس قررت إني هقرب أيوا هقرب و لما قربت لقيتو خشب فاضي من جوا جماد ميملكش إلا المنظر ميملكش إلا إنو يخوف البعيد عرفت إني أقوي منو و لقيت إنو بشوية هوا هيتعري و هيبان إنو شوية خشب مسوسين متسندين علي بعضهم

أنا أشفق علي أصحاب الماسكات المتعددة أصحاب مبدأ ماسك لكل مناسبة و ماسك لكل توقيت ماسك التقوي و ماسك الحب و آخر للأبتسامه و الدعم أنتم من وجهة نظري مهما تعددت أقنعتكم لا آراكم إلا بماسك الغباء لأنكم مفضوحون آه بجد والله مفضوحين و شفقتي عليكم لأنكم أجبن من أن تكونوا أنتم كما أنتم و ربنا معاكو أما أنا فماشية أهو بلملم في الأقنعة اللي بتقع منكو

سيرك الحياة

مرحباً أيها الزائرون مرحباً بكم في سيرك الحياة الدخول هنا مجاناً و بدون تذاكر الكل مجبر علي مشاهدة العرض الذي نقوم به بأنفسنا و الآن سوف يتم توزيع الأقنعة كل يختار ما يحلو لة ولكن للأسف الشديد لم تكفي الأقنعة عدد المتواجدين لذلك قد تم تقسيمهم إلي مجموعتين واحدة تؤدي و الأخرى تشاهد..خمس ثواني و سترفع الستار....نصيحة مني محدش يركز أوي في العرض عشان محدش يضايق فالمهم بردو ركزوا و ساعتها لقوا الحج اللي كان بيبكي قبل العرض لابس بلياتشو و مقضيها ضحك و تنطيط آه بلياتشو حزين و بيضحك و لما يقلع القناع اللي كان قاعد بيتفرج و بياكل لب و سوداني هايجي دورو و هيلبسو ممكن ساعتها يكون بيبكي يكون مهموم يكون مريض بس لما هيجي دورو هيخفي جوا منو كل حاجة و هيظهر البطل البلياتشو بكامل أناقتة

شخصية اليوم هي شخصية المقلداتي..المقلداتي دا شخص ليس له أي ميول ولا آراء ولا هوايات ولا تذوق ولا عندو حاجة بيحبها ولا حاجة بيكرهها شخص يعتمد علي عين الآخر فيعجب بكل تفاصيل الشخصية اللي رما الكربون تحتها و إبتدي يتقمصوا بكل ما فيها شخص لا يمتلك شخصية شخص إذا أصبح وحيداً لن يقدر علي الحياة لأنو ساعتها مش هيلاقي حد يقلدوا فا ولا هيعرف ياكل إية ولا هيعرف هو بيحب يشرب إيه ولا كان بيحب يلبس إيه.just be your self

شخصية انهاردة هي الشخصية الناصحة أيوا الناصحة الشخصية دي بنقابلها كتير أوى في حياتنا و من أهم سمات الشخصية دي إنها بسم الله ما شاء الله بتعمل كل حاجة تنافقك وتحبك وتخونك وتغشك و تمسل و ترجع تاني تحبك و هكذا و فيها ميزة هايلة جداً الله أكبر إنها بتعرف تمسك العصاية من ناحية واحدة و هو دا اللي عاجبني...شكرًا أيها الناصحين

عمري ما لقيت كتاب عن المواضيع الآتية "كيف تصبح فاشلاً" أو "كيف تصبح حزيناً" أو "كيف تصبح منافقاً" أو "كيف تصبح جباناً" أو "كيف تهدم حياتك" أو "كيف تصبح مكتئباً" ف دي حاجة عظيمة حاجة تدل علي إن الصفات السيئة المنيلة بستين نيلة متوفرة بكمية رهيبة عند الناس و موهبين فيها جداً و لا نحتاج لدليل لكي نجيدها..يا بشر إحنا جامدين جداً

السؤال الذي لا يجيب علية أحد..مالك؟؟

محدش يفتكر إنو لما يشكر فيا هتبسط و لما يعيب فيا هزعل....كلام البني آدمين بالنسبة لي عبري مترجم إلي هندي

عندي سؤال بجد والله هو الشخص اللي بينصحني إزاي أقبي سعيدة هل هو سعيد؟؟ مرتاح؟؟

أصبح هناك تضارب كبير أوي في تعريف المصطلحات فأصبحت كل كلمة عكس معناها

ممكن تفرض نفسك و وجودك و تحس بنفسك علي حد في مستواك إنما لو حد برنس زيي يقبي تروح تستحمي

أصبحت البوستات و الستاتس نوع من أنواع النفاق و التمسيل نوع من انواع تعويض النقص

عالم بلا نفاق عالم بلا كذب ولا مصالح عالم هادئ خالي من المشاكل و الصداع الله بجد نحن نستطيع أن نصلح من أنفسنا كي نري العالم كما نتمناة

هناك فئة كبيرة من الناس تحتاج الي النقع في خليط من الديتول و الكلوركس و بعض البنزين

لما المشمش يطلع مصطلح يقال في حالة ما حد يطلب منك حاجة وانت مقرر تنفض طب ياتري إية علاقة المشمش بالتنفيض

انا تماماً بحب مبدأ ما كل واحد يخليه في طبقة و أنصح السادة المنفسنين و اللي بيحبوا الأذي لغيرهم و الحقودين أنهم يخليهم في طبقهم أصل والله والله النفسنة مبتغيرش واقع بس بتغير صاحب النفسية المنفسنة بتغيرة لهوا بيصبح هوا

لما تلاقي شخص سعيد في مشاكلك و حزين في وقت إنبساطك دا يقبي نوع ملتو إية!! إية بجد الجحود دا!! أوووف بجد

طبيعي جداً جداً إن الدبان يتلم علي الزبالة فنصيحة مني لما شوية ناس كدا يسيبوك و يتلموا علي ناس زبالة متخدهاش علي نفسيتك ولا حتي تزعل أنت عشان نضيف فالدبان بيبعد عنك و بيروح للزبالة فاتبسط بقا انك نضيف

إذا تكلمت إلتفت لك الناس وإذا ذكرت مدحك الناس واذا تغيبت إفتقدك الناس

إذا إستطعت أن تنير الجانب المظلم الذي بداخلك فأنت كدا جامد و ملكش حل

هي كلمة واحدة أو عدة كلمات ما تشكل من أنت

المجنون هو ليس الشخص الذي تحيط بة أسوار مستشفي المجانين المجنون هو من يمنحة الله نعم فيتكبر بها علي الناس المجنون هو من يعبد الله و يدعوه و مع ذلك يعتقد أن هناك مستحيل المجنون هو الذي يبرر أخطائه و يعطي نفسة مبررات حمقاء المجنون هو من يظلم الناس و حتي قول الحق يكتمة و يشجع الظالم علي ظلمة و جبروتة ثم يندهش بعدها إذا ظلمه أحد

عندي عالمي الخاص و أستمتع بة

الخيال أساس كل حاجة حقيقي والله لما الواحد يبتدي يشغل خيالة و يرسم حياة معينة و يسليكت الناس اللي معاة في الحياة دي و يشوفها و يصدقها ساعتها بس هيعرف يعيشها

نفسي أشوف الدنيا بال ٧ ألوان بتوع قوس قزح و بس بجد والله و نفسي أشوف الناس بشفافية السحاب و بس

لما ربنا خلانا نشوف القمر شئ منور جداً بالرغم من إنو خلقو جسم معتم جداً يعني احنا شايفيين العكس تماماً الفكرة دي غيرت فيا كتير خليتني محكمش علي اللي قدامي بللي شايفاة

نفسي أنسي كل حاجة و كل حد و أرجع تاني أعيش في مكاني بس مكنش بنفس مشاعري ولا عندي ذكري حلوا او وحشة من حد والله نفسي

قالك العيون بتفضح أحب أقول لصاحب هذة المقولة الفظيعة ربنا يهدك أديك يا سيدي نبهت الناس و كل شبشب بقي يأخذ بالو من عينية

لقد تغير مفهوم الترابط الأسري أوي بقا بجد

طيب انا لية أكون علي طبيعتي و طيب و لذيذ لما مكن أمسل و أقبي كينح في عيون الناس #حوار #يدور #بداخل #الأهطل و ساعتها اية هيفيدك لما تقبي كينح في عيون الناس و بينك و بين نفسك مش هقولك أنت عارف نفسك

هو مفيش منقي للنفوس!! زي منقي الهوا كدا بس ساعتها انا متأكدة إن الجهاز دا مش هياخد غلوة في إيد ست مصرية أصيلة وش هيولع

النفسنة هي الراعي الرسمي للستات المصرية #حقيقة

اثبت نفسك في مكانك عشان اي حد بريالة ميخدش مكانك

تعريف الهكسوس مش محتاجة اقولو لأن كل حد منكوا أكيد عندوا شوية هكسوس في حياتو فأكيد من خلال معاملتكوا معاهم هتعرفوا التعريف الصح

بجد دلوقتي والله والله عاوزة أقول إن في ناس مهما بنبعد عنهم و بنمشي في طريق و هما في طريق بس والله والله والله بيفضل مكانهم جوانا فاضي و محدش بيعرف ياخد مكانهم

يااااااا بجد!!! نفسي تفكيري يموت

و بردو يا دنيا هعيش الحياة اللي رسمتها وانا لسة بدرس والله هعيشها ولو حتي في خيالي

مفهوم الخيانة متخلف عند الشرقيين بالرغم من ان الراجل الشرقي محبكها و قافش ٥٠ ساعة في ال ٢٤ ساعة الا انو عندو قصور في تعريفة للخيانة فابالمناسبة أحب اعرف الكائن الشرقي ان مجرد التفكير ان يذهب لشخص اخر فهي خيانة!! ياريت نحس علي دم اللي خلفونا

لية في حاجة جوايا دايماً ماشية عكسي لية بجد والله ! أنا نفسي أنا و اللي جوايا نمشي في نفس الإتجاة

خلل في تعريف المواصفات يعني النطع اللي بيستنطع بقي يطلق علية إنو واااو متساهل و واخد الحياة ببساطة و الحساس اللي عندو دم بقي يطلق علية معقد مكلكع مزودها طب اية بجد!! أنا بقا مبسوطة إني حساسة و إني عندي دم و مش هغير في نفسي حاجة حلوة عشان أنول إعجاب فئة ملهاش تعريف عندي

الآن قد إكتملت لي باقي إحتياجات الكائن البشري فإذا شعر بالظمأ توجه للماء و إذا شعر بالجوع أكل و إذا أراد يقهر أخطائة تفلسف أيوة تفلسف

الواحد بيقبي موقفه إيه لما يحلم حلم حلو اوى و يحس بجد إنو في حقيقة و بعدها يصحي يلاقي انو هرتله!! يتبسط وقتها بالوقت الجميل اللي قضاه ولا يضايق علي إنو فاق من هرتلته علي واقع مزعج

دا اليهود طلعوا ناس طيبيين اوي يا خال #مصدومة

تمرد نشرت دعوي للشعب المصري اللي مش إخونجي إنو يقاطع محلات الشعب المصري الإخونجي!! السؤال بقا هنا هي صفة إخوانجي أو غير إخوانجي بتلغي الكلمة اللي قبلها!! بتلغي كلمة مصري! مبدأ مقاطعة متاجرهم مبتذل و رخيص و مرفوض يا تمرد كلنا مصريين...

الناس سايبه البلد اللي والعه و قافشين في ان قناة الحياة هتنفض لعرض المسلسلات التركي #لالا_لاند

انا حاسه كدا ان بلدنا مصر مزودة بخاصية الإشتعال الذاتي

مع من تتحدث مني الشاذلي!! مصطفي النجار ينفي أنه ماسك العصا من النص! فعلاً ولائك للإخوان قد وضح في فترة حكم مرسي فأترك الساحة لمن لا يتمون لهذا الفكر الإخواني

Refresh ,Update ,Undoكنت اتمني أني أكون مزودة ب ٣ زراير

أحب أقول لكل الفريندز أتقوا شر التلج لما يسيح

البني آدم اللي فارق شعرة من الجنب المفروض يتلغي

هو ايه موقف مصطفي بكري من الحياة و الحياء!! أستغفر الله علي الخِلق العِكرا

الأخوان-قطر-البرادعي أكتر ٣ أسماء طلع عين أبوها شتيمة

حركة تمرد هتطلع دلوقتي تندد و تشجب أنهم جابوا للمرشد كابي مش فيروز #صحفي_بجريدة_لا

بجد اقسم بالله أنا مش مصدقة نفسي!! الإخوان سايببين شهدائهم و إن بديع الفظيع إتمسك و قافشين في إن زجاجة عصير كابي الموضوعة أمام بديع الفظيع مش لية إنما للتصوير بدليل إنها مبرشمة!! بجد والله!! ونبي دانتوا اللي دماغكوا مبرشمة

إلي الأستاذ صفوت حجازي أنابي إنت دحكتك عثل و الدوجلاس خليتك سو اتراكتيڤ

٣٣٣ لايك إذن أنا حبوب!! قد أصبحت اللايكات عند المعظم هي مقياس إن الشخص حبوب أو أنحبوب أما أنا فا أنا شايفة إن الكلام دا فاضي طبعاً و هبل مش مهم إن حد يعملك لايك هو لو بيحبك بجد هيعملك كومنت عملك كومنت!! #انهيار_مجتمع

حين تقرأ كلماتي لا تجزم بأنك تستطيع تحليلي و معرفة حالي فأنا يمكنني أن أكتب كلمات في غاية السعادة و التفاؤل لأخفي بها دموعي و حزني

في شخص حلم حياتي إني أقابلة و بجد مش هقبي مصدقة نفسي وانا قاعدة قصادة عارف مين؟؟ هو الشخص الفنان المبدع الموهوب اللي بجد والله بيلخص الكلام اللي جوانا الكتييييييير في سطر أو أتنين هو الرائع اللي بيألف المقولات التي تكتب علي عربيات النقل و الميكروباصات والتوكتوك #تحية_أيها_الرائع كلامك حكم وحيات ربنا

إلي الذين يتحدثون عن تواجد الطيبة و الوفاء هو أنا لية بجد والله لا أستطيع العثور علي هاتين الكلمتين إلا في جملتين #طيبة مول و #وفاء عامر

إنك تقبي مبسوط مش مشروطة بكونك مع شخص إنت كنت بتحبو ولا بكونك في مكان بتحبو ولا بكونك وسط ناس بتحبهم و بترتاح معاهم إنت ممكن تملك كل اللي فات دا كولو و بردوا تقبي مخنوق و قرفان أحب أقولك إنك عمرك في حياتك ما هتقبي مبسوط غير لما تتأقلم و تتعامل في كل داهية الدنيا تحدفك فيها و مع أي شخصية مبدعة مذهلة تلاقيها في خلقتك

لو كان جحا عايش بينا والله كان زمانو حلق دقن و شنبو و شرب مخدرات!! حتي جحا حكيم الحكماء مكنش هيسلك في الزمن المذهل دا

إلي كل من إذا شعر بالوحدة ظن أن هذا الشعور سيختفي بمجرد التواصل مع الآخرين إلي كل من يقول إتكلم يا عم و طلع اللي في قلبك عشان ترتاح إلي كل من يقول أنو مفيش حاجة تستاهل و فكك إلي كل من يعتقد أن في النوم هروب إلي كل من يضحك علي كل و أي حاجة إلي كل من يعتقد إنو هو الوحيد اللي بيعرف كل حاجة شششش خالص و إسمعني "إنت كدا بتإذي نفسك يا حمار" هترتاح لما تريح "نفسك"

من خمس سنين بالظبط فاتو بقالي ٧ أيام حاسة إني أنا واللي جوايا ماشين في نفس الإتجاة أتفقنا أخيراً

طب أقسم بالله الدنيا دي كانت هتقبي فلة شمعة منورة لو فيها أوبشنز الفيسبوك يعني نبلوك بعض المكروهين و نيليمتد بروفايل لبعض الناس اللي بنافقهم و نريموڤ اللي يحرقلنا دمنا و نآدد اللي يعجبنا و فوق دا كولو نشدد البرايڤسي بتاعت مودنا و ياريت في الدنيا دي نلغي لاميس الحديدي صوت أبوها مزعج بشع

إطفئ صراخ الأستفزاز و الغطرسة ببرود ثقتك بنفسك

أسهل حاجة عندنا كلنا إننا دايماً نربط سبب غلطنا بحد يعني فشلنا أخطأنا نقول أصل فلان حسدني أو نكون مثلاً مثلاً فاشلين في إدارة حياتنا و نكون بنعمل كل حاجة شمال و نفضل نتخانق مع كل فرد نشوفو في وشنا نقول أصل فلان عملي عمل يا إنسان إحنا اللي بنعمل التصرفات اليمين و الشمال إحنا مش الحاسد إحنا...لما يجي اليوم اللي لما نغلط نقول أنا أخطأت و سوف أصلح هذا الخطأ بنفسي مش بشوية بخور ولا ودع حالنا هيتصلح #شيل_مسؤلية_نفسك_أوبح

تعريف الشخص الضحية: هو الشخص اللي دايماً يا عيني مظلوم ولما بيقابل ناس تانية يشتكلهم ظلمة يقهروه ويفضل ما بين الظلم و القهر كدا علطول هو شخص عنده يقين تام علي إنو مبيغلطش مبيجرحش مبيظلمش كوووووول علطول وإن الأرض و ماعليها أتفقت مع البشرية علي أن يا روحي تظلمو!! ربنا يقومكوا بالسلامة

الإنتظار هو أقصي درجات الإحتكار و التعذيب ماضيك محتكرك أيها المنتظر الإنتظار يفقدك الرغبة في مواصلة حاضرك و مستقبلك فإعلم أن النظر إلي ساعة يدك المتهالكة لن يجدي ولن يأتي بمن تنتظرة فقط بدل ما تنتظرة بدلة إلي أقرب ما تجدة يقف أمامك

إية علاقة الشتا بالذكريات؟ لية والله جو الشتا مرتبط عندي باللي فات

واحد بيقول إنو نسي و هيتجوز خلاص و واحدة بتقول إنها بتظبط مع واحد غيرو و مش فارق معاها بس الحقيقة إنو في كل ثانية هما الاتنين والله مش ناسيين بعض و كل واحد فيهم فاكر للتاني أدق تفاصيلو طب سبتوا بعض لية و تاعبين نفسكو كدا هيقوموا قايلينلك أصلوا خلاص مينفعش و غايب عنهم إننا إحنا اللي بنخلي الحاجة تنفع ولا لأ....قرر ما تريد

أنا أملك نوع خاص من الفلسفة في حياتي هي فلسفة اللامبالاة بها جانب غير مرئي للجميع فيعتبروها فلسفة السلبية و لكن عندما تكون اللامبالاة تقبلا للحاضر بكل مرارته و قسوته عندما تكون اللامبالاة فكرا خاصا بعدم مجادلة الحمقى عندما تكون اللامبالاة ثقة بأنك تستمع إلي كلام الحاقدين و الغيورين و كأنهم يتحدثون بلغة الكلاب فها بقا إية النظام من سوف لا يبالي معي؟

عايز تقبي صايع و مش عارف نفسك تقبي صايعة و مش قادرة!!! فقط مع الدنيا تي ڤي تيليشوب إلحق العرض المدهش دا إتعامل مع بعض الخلق اللي هتلاقيهم في حياتك و متجاملهمش و خليك علي طبيعتك ف هيدوك علي قفااااك مجاناً بقولكواااا قفا مجاناً و لفترة غيييييير محدودة إلحق عرض الدنيا تيليشوب و بعد القفا دا هتقبي صايع سعر الشحن ثابت وسيصلك القفا أينماااااا كنت

لما الدنيا كلها بتتغير و مشاعر الواحد بيقال إنها بردو بتتغير و إن الناس كلها بتنسي و إن كلمة إنسان جاية من نسيان أنا موقعي إيه من اللي فات دا لماذا لا تطبق هذه الأحكام عليا!!

كل عام و أنتو بخير و أحب أقول لجميع المصريين أعمالكوا كلها سترفع غداً إنشاء الله فمحبكش يا متنورين تصالحوا الناس اليوم إبتداءاً من ١٢ إي إم!! عندكوا سنة كاملة يا طينة منك له وسايبين أبوها و زنقت في آخر ٢٤ ساعة!! إفتكرتوا اللي عليكوا أخيراً!! أندال و كولو محسوب يا محورتية و أول ما بكرة يخلص إبتدوا بقا في الظلم لبعضكوا من جديد أيوااااا إبتدوا علي ميه بيضة...وفقكم الله

نحن في زمن ينال المج فية إحتراماً و معاملة حساسة أكتر من الشخص نفسة طب يا جماعة راعوني دانا صاحبة المج دا يا إخواناااا أنا اللي جايبة المج دا لكن مفيش فايده يا بختك يا مج!! هكذا أصبحنا نهتم بالأشياء و نهمل الأشخاص

هذا هو زمننا

حينما تري الناس أجمعوا علي أن ينقدوك يستفذوك أو حتي يتجنبوك فأعلم إنك في الطريق الصواب 

أيها الإنسان لماذا تحب الحياة و تكرة الموت؟

لما الدنيا كلها بتتغير و مشاعر الواحد بيقال إنها بردو بتتغير و إن الناس كلها بتنسي و إن كلمة إنسان جاية من نسيان أنا موقعي إيه من اللي فات دا لماذا لا تطبق هذه الأحكام عليا!!

عند الإبتعاد عن الله يتغير كل شئ إلي الأسوأ

قصة ٣ أشخاص الأول يرتدي جلباب و يسمي (الأهطل) الثاني يرتدي المنقط و المنقرش و يسمي (البيئان) الثالث يرتدي نضارة سوداء و يسمي (الأعمي) حصل شد وجذب و قرر الأهطل إنو يمشي ورا البيئان و يتبعه في كل خطواته بمعني البيئان يتف علي الأعمي يقوم الأهطل تافف يحدف طوب علي الأعمي يقوم الأهطل حادف و فضل البيئان و الأهطل هكذا و لم يكن للأعمي أي رد فعل و الأهم أنه كان لا يبتعد عن مكانو المهم بعد ٧ أيام من هذه الأحداث البيئة المفاجأة بقا ركزوا معاياااااا الأعمي مطلعش أعمي زي ما الأهطل و البيئان كانو فاكرين دي طلعت نضارة شمس يا غفر و شايفكوا و سايبكوا بمزاجوا لأنكم بأفعالكم و وقاحتكم و دناوتكم مسليين

يتمتع الرجل المصري بقدر هائل من الإزدواجية يعني شديد أوي علي مراتة و لما يشوف معزة لابسة شورت يزبهل و يبدي إعجابه و إنبهاره بالمزة طب يا أخي يا تسيب مراتك تقبي مزة زيها يا إما المزة متعجبكش لأنها فاسقة كما تقول

أراه بطل بكل المعاني أري في سلبيتة قوة أري في سكينتة ثورة أري في خضوعه رفض أري في ذلة كبرياء و كرامة ليس لها مثيل....حينها أدركت أن ليس من الضروري أن تصرخ لتغير شئ أو تسب و تلعن لترهب أحد فالفزاعة أو خيال المآتة ترهب الجميع و هي قطعة جماد فأيقنت أن الهدوء و الصمت يغيروا الكثير فأصمتوا حين يعجز الكلام عن حل مشكلاتكم

الدنيا من نضارة خيال المآتة أجمل بكتير

كل منا يحاول قدر الامكان اظهار افضل ما عنده ليجد حوله المعجبين والمريدين والراغبين في التعرف اليه ولذلك علانية لا نظهر سوى افضل ما فينا هذا طبع الإنسان

مستني إية من ناس تحدثوا عن من في القبور يعني حتي الأموات لم يسلموا من لسانهم فانت بقي هتعدي من كلامهم كدا سليم!! هتعدي نضيف من غير ما تطولك كلمتين كدا علي كام حوار!! تقبي أهبل

كلنا مهما حاولنا عدم الاهتمام بسؤال "ماذا بعد" بنلاقي نفسنا بنفكر فيه و دا طبيعي مهما حاولنا نتوه نفسنا برضو بنفكر في ها هانعمل إيه

أنا عن نفسي لما حد بيكلمني و يقولي بقولك إيه إقفشي علي فلان عشان أنا زعلان منو بنفض للي جابوة عشان أنا مبقباش شفت حاجة وحشة من الشخص دا كلامي موجة للشخصيات المنقادة اللي شايله مخها في الروف و أحب أقولهم إن أنا كا أنا مبسوطة جداً بانكو ظل لخيال مآتة عيرة لا تأثروا

هل أشفقتي علي ما تجدي حالك علية! ولا قذافي ستايل لا رجوع

إن ضاع منك حلم إحزن و إكتئب و قضيها لبس غامق و بعد ما تخلص الحوارات السكة دي إصنع ١٠٠٠ حلم مكانه و لا تستسلم

لقد أيقنت أن أصعب شئ في الحياة هو أن لا تستطيع الإجابة علي الأسئلة التي تطرحها عليك نفسك

هو بالنسبة للمكنسة اللزجة دي بتاعة إعلان إلحق عرض المكنسسسسسة اللزجة إيه نظامها هي معمولة للناس اللزجة!!

يا سلام لو الواحد يبقي متمتع ببرود سبونج بوب و تناحتة

شخصية شئوب الطنطاوي بتفكرني بشخصية الراجل المصري

طيارة- قارة تانية- ناس بتتكلم لغة عجيبة متتفهمش- معاكش حد تعرفو- تذكرة وان واي- موبيل مفيش وش- ده الحل الأمثل اللي أي حد من جواة بيتمناه بس خايف يقولوا..صح!! متكدبوش أكيد شايفين المكان دا زي منا شايفاه

طيارة- قارة تانية- ناس بتتكلم لغة عجيبة متتفهمش- معاكش حد تعرفو- تذكرة وان واي- موبيل مفيش وش- ده الحل الأمثل اللي أي حد من جواة بيتمناه بس خايف يقولوا..صح!! متكدبوش أكيد شايفين المكان دا زي منا شايفاه

أحدثك يا من إخترت أحقيتك في كل الإمتيازات أحدثك يا من أعطيت لنفسك من الحرية ما يكفي قارة بأكملها أحدثك يا من إنتهكت كل الخصوصيات أحدثك يا من تحكمت في أي وقت تبكيني و أي وقت تسعدني أحدثك يا من طغيت علي أحدثك و أسألك لماذا؟؟ كعادتك لا تجيب فباب النقاش معك مغلق

بطل تدور إزاي ترضي الناس إرضي نفسك الأول وساعتها اللي بيحبوك هيقبوا مبسوطين جداً بإنك مرتاح و اللي بيكرهوك هيضايقهم إنك راضي نفسك هيضايقهم راحتك و أظن الفئة دي حلو عليها إنك متدورش علي رضاهم

شهر يناير لا يختلف كثيراً عن ديسمبر فالسنة كلها بشهورها و أيامها لا تستطيع أن تغير شخص كل ما تفعلة الشهور أنها تؤكد لنا أننا كنا حمقي حين ظننا ان الشخص سيتغير

بتنا نفكر في الماضي و آلامه و أحزانه و ندمنا علي الأيام التي مرت و نقول ياه لو تعود مرة أخري و بغبائنا حولنا حاضرنا و مستقبلنا إلي نسخة ماضينا

مش معني إن حد سامحك إنك مهم عندو هو ممكن يكون سامحك لأنك ولا حاجة عندو

نحن نعيش حياة كل منا يحاول إنهاء قصته علي أكمل وجة فنولي كل تركيزنا في قصتنا و في أي فصل توقفنا وسط شدة إهتمامنا بالنهاية تأتي النهاية بدون بداية

درب خيالك علي تذكر ملامحي لأني سأتركك

إشراقة الشمس لا تعني لي الأمل بل تزيد يوماً مؤلماً إلي أيامي

خير الحبيب هو ما خف و فَل

في كل مكان أكون فية أجد سعادتي إلا جوارك

هذا هو المنطق يفرض نفسه و بقوة ومن غير المنطقي أن لا نقبل به

لما تعد تتناقش و تجادل مع شخص ياريت متحرقش قلبك معاة لإن الإنسان لا يعترف بخطأة بسهولة

تعلمت من الحياة أن أهم كلمة في قاموسي هي أنا

كل لما الدنيا تخنقني و الناس يطلعوا عيني ألاقي حد ييجي يقولي حوار الشجرة المثمرة هي التي يهاجمها الناس!! فبجد يلعن أبو دي شجرة

أنا الآن علي يقين تام إن الشخصيات اللي في الدراما المصرية ما هي إلا copy and paste لشخصيات موجودة في الواقع فا ليه بقا لما بنتفرج عليهم بنقعد نستغفر و نتريق و نهريهم نقد مع إننا ممكن نكون زيهم و أسوأ كمان!! مبدأ نقد الغير بدون النظر لأنفسنا مرفوض تماماً

الإنسان هو الراعي الرسمي لمبدأ الإدعاء....كلنا ندعّي

الآن قد إكتملت لي باقي إحتياجات الكائن البشري فإذا شعر بالظمأ توجه للماء و إذا شعر بالجوع أكل و إذا أراد يقهر أخطائة تفلسف أيوة تفلسف!!!

هل يمكن للفلسفة أن تعلن إفلاسها؟

عندما تنتقل مسؤولية رقابة نفسك من ضميرك إلي يد شخص فأعلم إن بمجرد غياب هذا الشخص سوف تفسد

مطلوب عقول حرة من أجل إبداع سيناريو جديد بين الإنسان و الوجود

أخطر وأهم حدث يمر في حياة الإنسان ما يمس صميم شخصيته وجوهره ووجوديته

إحذر للغتك...فإن كانت لديك رؤيا و تريد إيضاحها للناس فستعتمد علي لغتك فا هنا بقا الإفيه لو فسدت لغتك يقبي ميت ألف طز في رؤيتك أما إذا صلحت لغتك فإنت كدا في التمام

كلمة مُغيب تطلق علي مين بالظبط علي اللي بيفرض دايماً حسن النية ولا اللي عايش دايماً في جو نظرية المؤامرة!!

انت مش فاهم حاجة انت مغيب انت معندكش خبرة في الحياة انت لا تجيد فن التعامل مع الآخر انت مبتفكرش أساساً انت دايماً اللي غلطان انت ولامواخذا حمار!! دا الكلام اللي ممكن تسمعة من شخص أساساً عايش في حلم أنة وحدة هو المفكر العبقري و غالباً بيقبي مش عارف ال 1 من ال أ

إذا كنت أنا في صراع دائم بين متطلبات الهوا و أوامر الأنا العليا فايه الحل غير بانادول!! إكسترا مثلاً!!

فلنراجع الفلسفة ربما يكون هناك فصل متخفي و بكون فيه المفيد!!

العقل وعاء يختزن جميع الذكريات و مع مرور الوقت بيستبدل البعض بالآخر بس بيختزن أوي أوي جداً الذكريات السيئة و مبيسبهاش ولا يستبدلها غير لما السما تمطر مالتيزرز

أطلق صراح رغباتك و أحلامك التي حبست نفسها في قمقم ما مضي و ما كان....إنچوى ديير

جميل عسل سكر ظريف بقت كلمات للذم و التريقة طب انا يعني لما أعوز أشكر في حد أقول علية إيه!!

فكرة أن أحلام الإنسان تتعدي قدراتة جعلته ينتظر حدوث خوارق و معجزات لتحقق له ما يريد فيترك وقتها الإنسان زمام حياتة في يد المجهول و يتحول إلي مُشاهد كل ما يفعلة أن ينتظر و يجلس و يشاهد حياتة نعم يشاهد فقط

أتمنى أن يموت الكذب من أفواه الناس لتموت كل المآسي معها

وحتي الأحلام لم تعد ترضينا لم تعد تسعدنا

اكبر مشكلة بنعاني منها اننا شايفين ان احنا مبنغلطش خالص و إن كل افعالنا مقدسة و بعيدة كل البعد عن مفهوم الخطأ مش مصدقيني آه والله بجد إحنا كلنا كدة و مشكلتنا الأكبر إننا دايماً حاسين إننا ضحية بس الحقيقة إننا لو كنا ضحية فبنكون ضحية غبائنا و إستهتارنا إحنا كبني آدميين دايماً بنعمل المتاح مش اللي عاوزينة لأن غالباً المتاح بيقبي أسهل فنتعب لية!! إحنا نعمل المتاح فنرتاح راحة مؤقتة تزول بمجرد إكتشافنا إن المتاح دا كان عكس رغباتنا تماماً فنتعب

أنا خُذِلت نعم أنا خُذِلت و في هذا الوقت شعرت أن الحياة تريد أن تحزنني و أن حتي الحجارة تقف في طريقي لكي أتعثر بها و أن الهواء يهب نحوي كي يملأ عيني بالتراب و كأن الدنيا ببشرها و جمادها إجتمعت علي قرار واحد و هو إتعاسي نعم أنا التي أبكي و أخفي و أبتسم و أضحك أنا قد وصلت إلي ذروة الألم نعم أنا أملك من الشجاعة ما يجعلني أعبر عن نفسي بكل صراحة و قوة نعم هذة هي أنا قد ولد الحزن بداخلي رغبة في التحرر من القيود رغبة في التحرر من الحزن الذي يقحم نفسة بداخلي بدون إذن مني فسميت بنفسي و إرتقيت بفكري و تعايشت مع ما أشعر و شعرت بعزيمه بداخلي حينها قررت صادقة مع الله و مع نفسي أن كلما ثقلت هموم الحياة إنني سأسعي بإخلاص و رضا أن أشكر الله.....هذة أنا

لو جنان إنك تعكنن علي حد متعرفوش...إتجنن و عكنن عليه و علي اللي خلفوة

انا فتاه خجوله جدا وحسااسه جدا وكتومه لاأختلـط كثيراً بالناس ابتدأت قصتي حين تعرفت به كنت أعلم أنه متزوج جذبني له نظرته و إبتسامتة إهتمامه بي جذبني له الإبتسامه التي لا تفارقني حين أتحدث معه جذبت له و أحببته...إتخذت مكان زوجته في قلبه شاركته أموره التي يحبها غرت علية أهتممت به و دللته فسألته مالذي يشـدك لي لماذا أحبب أنا؟؟ مالذي يميزني عن غيري؟ أجاب أحبك لأنك أنتي لكونك انتي.... تراجعت و خفت كثيراً و تألمت من فراقه فأفخفقت و فشلت في بعدي فكيف تفارق روح جسد قبل أن يموت الشخص أحبك

مدُ و جذر هذا هو ما يحدث الآن أشعر ب مد في الحنين يقابله جذر بالذكريات الموجعة أشعر برغبة في النسيان يقابله فيلم مسجل بأفعالك و أقوالك المؤلمة يقولون لي إنسي الماضي وافقتهم و تناسيت و أكملت ما بدأت شعرت بأسي و ألم و حزن و ضيق إستمريت فزاد الأسي فأستمريت و هذا أنا أعاند كثير و أدعيت إني سعيدة و لكن في لحظه بيني و بيني قلت لها قد آن وقت الحقيقة أنا لم أنسي من انت...

لماذا نعيب علي الدنيا و نحن من جعلناها دنيا أخلاقنا دنيا أحاسيسنا دنيا قلوبنا دنيا عقولنا دنيا و في النهاية نتعجب و نستنكر ما تفعله بنا الدنيا ونحن من فعلنا بها ذلك لكي الله يا دنيا

لماذا يتحول البشر هكذا لماذا يستوحشون بمجرد الوصول لك لماذا كل هذه القسوة التي سادت بينكم كلما ذهب قلبي لأحد ودعة لا بأقواله بل بأفعاله فلماذا إذن تسعون و ترهقون أنفسكم بأن تملكون قلبي إذ أنتم أردتوا مفارقته اليوم تذكرت كل ما مررت به أنا و أيقنت أنه لابد أن أتخذ قراري قراري أنا أني سوف أكون سعيدة نعم سأكون بدونك كما كنت من دونه سأكون أنا و أنت لن تدرك إلا عندما يمر الوقت و تراني كما أنا نعم كما أنا و ليس كما تراني أنت كل ما مضي خلفي مضي بأرادته كل من ترك يدي تركها بأختياره كُلُّ بإختياره لكني لم أختر لا لم أختر أنتم من إخترتم أن تملكوا قلبي فملكتوه إخترتم أن تؤلموا عقلي و قلبي و ترهقوة فألمتوه بقوتي و إرادتي منحتكم حق إختيار بدايتي و حياتي و أنا قد نفذت والآن أنا بقوتي و إرادتي سوف أختار نهايتكم و شكل حياتكم وأنتم سترضخون لأختياري أن تكونوا أنتم هذا عقابكم أن تملكون قلب كقلبكم هذا إنتقامى منكم كونوا انتم......

كم شخصية تمتلك؟