٧ سطور
شاب يروي قصتة
أري نفسي وحيداً في هذا المكان....لا يوجد معي أحد...نظرت يميني و يساري لكني لم أجد أحد!!....فأنتظرت....آملاً أن يأتي أحد....لكن...إنتظاري لم يكن له أي فائدة...فآنا مازلت وحدي
ظللت أنظر حولي
لكن لا جدوي من بحثي
و هنا إتخذت قراري
قراري بأن
ألعب في مناخيري
و ظللت ألعب في مناخيري و ألعب حتي رأيت خيال يقترب مني فإستعنت بسبابتي و إبهامي و قمت بتكوير الأرف اللي طلعتة من مناخيري ثم ألقيت به بعيداً
طبعاً كلنا هذا الشخص...فا ياريت ونبي لما نقري الكلام دة منعملش نفسنا كيوت و نفضل نقووول يااااع و يااااه و حاجة تأرف و ياككي و إعععععع و إحنا نكون لسة مكورين الارف و حادفينة
أنا مقدرة تماماً إن المناديل لا تقوم بدورها بكفاءة مثل أصبع اليد في إستخراج الأرف من المناخير...بس يجب أن يكون هناك حل
حقيقي الواحد بيبقي قاعد وسط ناس و لابس شيك و عامل نفسة من سويسرا و تلاقي مناخيرة واكلاة! فيستخدم التيشو (شوفتوني وأنا كلاسي و بقول تيشو)!فبرضو المناديل بتخذلة! فبيبقي مش عارف يهز صورتة قدام الناس اللي معاة و يلعب في مناخيرة ولا يسيب الأرف اللي في مناخيرة لحد ما يستفرد بنفسة
و لأني أمينة و صريحة فأحب أقول لهذا الشخص لك مطلق الحرية أن تلعب في مناخيرك وقتما شئت لأننا كلنا بنلعب في مناخيرنا
و من موقعي هذا أشجب و أندد بموقف حكومتنا المتراخية المتخاذلة في أنها حتي الآن لم تخترع لنا حاجة لإستخراج الأرف من المناخير...يا سيات الريس إحنا تعبنا من اللعب في مناخيرنا،..حقيقي إرهقنا طحن
و بعدين يا حكومة والله حاولنا نلاقي حل بديل للعب في مناخيرنا يغنينا عن إيدينا....فقمنا بجلب المنديل و برمناة و عاملناة بشكل صباع اليد...بس برضو منفعش!! نعمل إحنا إية بقي دلوقتي؟؟
يا جماعة الواحد مبقاش عارف يوفق بين التظاهر و الإحتجاجات و بين اللعب في مناخيرة
خلونا نحط ايدينا في ايدين بعض...ولا بلاش إيدينا نظراً لأنها مؤرفة و كانت في مناخيرنا
خلونا نتكاتف و نعمل وقفة عشان نحقق هدف واحد من الهدفين دول
يا نخلي اللعب في المناخير مباح و علني بمعني أن يكون لنا الحق في اللعب في المناخير في أي مكان و في أي وقت
يا الحكومة توفرنا بديل يستخرج الأرف من مناخيرنا غير إيدينا
يلا قوموا إغسلوا إيديكوا
وعلي الأقل دلوقتي خلونا مؤقتاً لما نكور الأرف نحطة في منديل وبلاش نحدفة عالأرض لحاد ما نوصل لحل مع الحكومة في المشكلة دية
صباحكو منجا
