لية بس بنحاكم الناس علي (الغش التجاري) لية بجد؟؟
مع إن والله (الغش التجاري) ميجيش حاجة جمب (الغش الإنساني) آه والله ميجيش حاجة جمبة
لية واحدة تحب واحد و لما يغشها و يخلف كل وعودة ليها بيبقي عادي ولازم تكبر دماغها و تنسي و بتبقي قلة كرامة منها إنها ترجعلة و تطلب حقها
و لية لما واحدة تقف عند فكهاني و تشتري كيلو برتقال و يطلع ماسخ..بيبقي مش عادي
و بيبقي رمز الكرامة وقتها إنها ترجعلة و تطلب حقها...بيبقي لازم تروح للبياع و تطلع عينه خناق و بيقولولها أوعي تمشي من غير لما تاخدي حقك..تاخدي فلوسك كلها
لية بجد؟
هو أنا لما قلبي يتكسر...لما أنا كا أنا كلي أتكسر...مش أهم من كيلو برتقال ماسخ؟؟
طب لية بقا بتمنعوني أروح للي غشني و أبهدلة و ممشيش غير لما آخد حقي منة..حقي في إنة يرجعلي نفسي؟؟
آاه عايزة نفسي منة
عايزة نفسي اللي كانت قبل ما أحبة...عايزاها
عايزاها منة
هتمنعوني إني أروحلة؟؟ هتمنعوني؟؟
طب لو كدا حد يروحلة...و يقولوا إني بقولوا عايزة نفسي
عايزة نفسي قبل ما أحبة...عايزاها
