بعد قمة الآلام التي تتعرض لها الأم أثناء الولادة...يأتي أبن جميل ينسيها كل الآلام و الأوجاع التي مَرَت بها
و أنا أيقنت أن.....بعد كل الآلام و الأحزان التي أتعرض لها أثناء وجودي بينكم....سيأتي شئ جميل ينسيني كل هذة الأحزان
و أنا أنتظرة..و سأظل أنتظرة
أوعوا تكونوا صدقتوا الهرتلة اللي في الأول دي..دا كلام مدونات
خيال علمي يا إخوانا...فككوا منوا
ولا كأنكوا سمعتوا حاجة
إبقوا تفوا علي وشي لو الحاجة دي جت...أصل تيجي فين؟؟ و إمتي؟؟ دا لو جتلك حاجة تفرحك..دا لووو...بقووول لو!!..بتبقي أكيد جاية بالغلط و مكنتش ليك فا يعيني أول ما تيجي بفرح ثواني يقوم جاي عيل رذل يقولك الحاجة دي مش بتاعتك يا عمو
مقدرش أنا أنهي الموضوع بتفاؤل...طب بذمتكوا لو نهيت الموضوع بتفاؤل مش ممكن تتخضوا عليا؟؟ ولا ممكن تحسوا إن المدونة بتاعتي إتسرقت و خادها الهاكر ؟؟
صباحكوا منجا
